ԱՄՆ–ը և Հունաստանը ծովում զորավարժություններ են անցկացրել

ԱՄՆ ռազմածովային ուժերին պատկանող Dwight D. Eisenhower ավիակիրը մասնակցել է Միջերկրական ծովում Հունաստանի ՌԾՈՒ կողմից իրականացվող զորավարժություններին. հայտնում է Euronews-ի թուրքական ծառայությունը։

Զորավարժություններին մասկացել է նաև հունական երկու սուզանավ։

Ըստ ԱՄՆ ՌԾՈՒ հայտարարության՝ զորավարժությունն իրականացվել է հունական ԳՇ-ի ղեկավարությամբ և պլանավորվել ու համակարգվել է ամերիկյան իշխանությունների կողմից։ Նպատակը ՆԱՏՕ–ի շրջանակներում փոխգործակցությունը զարգացնելն է։

Նշվում է նաև, որ ԱՄՆ–ը Հունաստանին դիտարկում է որպես տարածաշրջանում խաղաղության գլխավոր հիմք։

Հիշեցնենք, որ Թուրքիան, որը և՛ ծովով, և՛ ցամաքով սահմանակից է Հունաստանին, նույնպես ՆԱՏՕ անդամ երկիր է, սակայն չի մասնակցել այս վարժանքներին. դա կապված է տարածաշրջանում Թուրքիայի ծավալապաշտական քաղաքականության հետ, որը քննադատվել է նաև ԱՄՆ–ի կողմից։