Թուրքիայում խոսել են Ս-400-ի երկրորդ գնդի վերաբերյալ Ռուսաստանի հետ բանակցությունների առաջընթացի մասին

Թուրքիան դեռ բանակցություններ է վարում Ռուսաստանի հետ Ս-400 հակաօդային պաշտպանության համակարգերի երկրորդ գնդի ձեռք բերման և դրանց համատեղ արտադրության հնարավորության շուրջ՝ չնայած ԱՄՆ պատժամիջոցներին. ասել է  հանրապետության պաշտպանական արդյունաբերության վարչության ղեկավար Իսմայիլ Դեմիրը:

«Մենք չենք նկատում պատժամիջոցների էական ազդեցությունը: Դրանք անարդար են, Միացյալ Նահանգները պետք է շտկի դա: Բազմիցս ասել ենք, որ պատժամիջոցների լեզուն չի ազդի Թուրքիայի վրա: Մենք շարունակում ենք բանակցությունները Ռուսաստանի Դաշնության հետ Ս-400-ների համատեղ արտադրության շուրջ»,- ասել է Դեմիրը NTV հեռուստաալիքի եթերում: