ՏԵՍԱՆՅՈՒԹ․ Պահանջում ենք, հարուցվի քրգործ դատարանների նկատմամբ վիրավորական արտահայտությունների համար․ Խուդոյան

Պահանջում ենք, որ դատարանն իր որոշմամբ հաստատի հանգամանքները և հարուցվի քրեական գործ դատարանների նկատմամբ երկու տարիներին վիրավորական-զրպարտչական արտահայտությունների համար՝ ըստ Yerkir.am-ի հայտարարեց ՀՀ երկրորդ նախագահ Ռոբերտ Քոչարյանի պաշտպան Հովհաննես Խուդոյանը։

Նա նշեց, որ նախորդ դատական նիստը հետաձգվել էր, որովհետև նոր փաստաթղթեր էին ներկայացվել։ Դրանց պաշտպանները ծանոթացել են և տեսել, որ վերաբերում են նախկինում երկու որոշումներով քրեական գործ հարուցելուն, ինչի վրա հիմնվում են քննիչը և դատախազը, քանի որ Քրեական դատավարության օրենսգիրքը նախատեսում է, որ եթե կա չվերացված որոշում, ապա նույն հանգամանքներով նորից չի կարող գործ հարուցվել և դա հաղորդումը մերժելու հիմք է՝ անկախ ամեն ինչից։

«Այդ որոշումների բովանդակությանը ծանոթանալուց հետո հասկացանք, որ դրանք ամբողջությամբ չեն ծածկում բոլոր այն հաղորդման փաստերը, որոնք մենք ենք ներկայացրել, և առնվազն դրանցից տարբերվող մասով պետք է հարուցված լիներ քրեական գործ։ Պահանջում ենք, որ դատարանն իր որոշմամբ հաստատի հանգամանքները և հարուցվի քրեական գործ դատարանների նկատմամբ երկու տարիներին վիրավորական-զրպարտչական արտահայտությունների համար»,-ասաց Հովհաննես Խուդոյանը։

Մանրամասն՝ տեսանյութում․