Անկարան Ֆրանսիային մեղադրել է Կիպրոսում անօրինական ներկայության մեջ

Թուրքիայի արտգործնախարարության խոսնակ Համի Աքսոյը հայտարարել է, որ Ֆրանսիայի գործողությունները խթանում են լարվածությունը Միջերկրական ծովի արևելքում:

Խոսելով Կիպրոսի հարավում ֆրանսիական ռազմածովային ինքնաթիռների տեղակայման մասին՝ Հունաստանի, Իտալիայի և Կիպրոսի հետ համատեղ վարժանքներին մասնակցելու համար, Աքսոյը նշել է, որ Ֆրանսիան չի հանդիսանում Կիպրոսի վերաբերյալ 1960 թ. պայմանագրի երաշխավոր և Ֆրանսիայի ավիացիայի ցանկացած ժամանակավոր կամ երկարաժամկետ տեղակայում անօրինական է:

Աքսոյը մեղադրել է Փարիզին՝ Աթենքին և կիպրոսցի հույներին Թուրքիայի դեմ առճակատման դրդելու մեջ:

«Մենք կրկնում ենք, որ ցանկացած քայլ, որոնք անտեսում են Թուրքիայի և Կիպրոսի թուրքական համայնքի շահերը, դատապարտված են ձախողման», - ասել է Աքսոյը:

Հիշեցնենք, որ Ֆրանսիային «անօրինական ներկայության» մեջ մեղադրող Թուրքիան 1974 թ. ի վեր անօրինական կերպով բռնազավթել է Կիպրոսի 36 տոկոսը։