ԱՄՆ-ը պետք է շարունակի ճնշում գործադրել Ալիեւի եւ Էրդողանի վրա, որպեսզի վերջ դնի այս պատերազմին. Ադամ Շիֆ

ԱՄՆ-ը պետք է շարունակի ճնշում գործադրել Ալիեւի ու Էրդողանի վրա, որպեսզի վերջ տրվի այս պատերազմին: Այս մասին  Twitter-ի իր միկրոբլոգում գրել է ԱՄՆ կոնգրեսական Ադամ Շիֆը։

Նա նշել է.  «Երեկ ես խոսել եմ ՀՀ արտգործնախարար Զոհրաբ Մնացականյանի հետ Արցախում հրադադարի ապահովման ջանքերի, ինչպես նաև Ադրբեջանի ու Թուրքիայի շարունակական մահաբեր ագրեսիայի մասին: Միացյալ Նահանգները պետք է շարունակի ճնշում գործադրել Ալիևի ու Էրդողանի վրա, որպեսզի վերջ դնի այս պատերազմին»։ 

Հիշեցնենք՝ նախօրեին ԱՄՆ-Հայաստան-Ադրբեջան համատեղ հայտարարություն է տարածվել, որում նշվում է, որ հումանիտար հրադադար է հաստատվում, որն ուժի մեջ կմտնի 2020թ. հոկտեմբերի 26-ին՝ տեղական ժամանակով՝ 08:00-ին: