Գուտերեշը նախազգուշացրել է ԱՄՆ-Չինաստան կոնֆլիկտի պատճառով լուրջ խնդիրների մասին

ՄԱԿ-ի գլխավոր քարտուղար Անտոնիու Գուտերեշը նախազգուշացրել է աշխարհին ԱՄՆ-Չինաստանի կոնֆլիկտի պատճառով հնարավոր լուրջ խնդիրների մասին. տեղեկացնում է ՏԱՍՍ-ը:

Նա, մասնավորապես, նշել է՝ երկբևեռ աշխարհի նախկին համակարգն այլևս չկա, իսկ դրան փոխարինելու է գալիս բազմաբևեռ համակարգը; «Սակայն աշխարհը դեռևս բազմաբևեռ չէ, ավելի շուտ այնտեղ քաոս է տիրում, և երկրների միջև հարաբերությունները գնալով ավելի են բարդանում»,- հստակեցրել է Գուտերեշը ու հավելել, որ երկու խոշոր տնտեսական գերտերությունների միջև իրավիճակը կարող է դեպի լավը փոխվել։

Բացի այդ՝ նա շեշտել է, որ այս պահի դրությամբ իրավիճակն անկանխատեսելի է, դրա համար անհրաժեշտ է սպասել մի քանի տարի։