Վրաստանում երկարաձգել են հյուրանոցատերերին աջակցության ծրագրերը

Վրաստանի զբոսաշրջային ոլորտը, որում զբաղված է մոտ 150 հազար մարդ, առավել շատ է տուժել համավարակի հետևանքով։ Ոլորտին աջակցելու համար Վրաստանի իշխանությունները մոբիլիզացրել են 200 մլն լարի, որը համարժեք է 65.1 մլն դոլարին։

Ծրագրերից մեկն էլ ուղղված էր հյուրանոցների տերերի վարկերի տոկոսադրույքների ամենամսյա ֆինանսավորմանը։ Անցած վեց ամիսների ընթացքում պետությունը ֆինանսավորել է  վարկերի տոկոսադրույքների մինչև 80 տոկոսը։ Համաձայն նոր որոշման՝ ծրագիրը կշարունակվի 12 ամիս։

Վրաստանի գործադիր մարմնում կարծում են, որ աջակցության շնորհիվ հյուրանոցային բիզնեսը կարող է միջոցներ ապահովել շրջանառության համար, ինչպես նաև պահպանել աշխատատեղերը։