«Ճգնաժամը նաև հնարավորություն է» շարքից. «Ես քո ոտը ուզում եմ պաչեմ»․ Անդրանիկ Թևանյան

«Պոլիտէկոնմիա» վերլուծական ինստիտուտի տնօրեն Անդրանիկ Թևանյանը գրում է.

«Ճգնաժամը նաև հնարավորություն է» շարքից. «Ես քո ոտը ուզում եմ պաչեմ»

Պաշտոնական վիճակագրության համաձայն՝ այս տարվա առաջին կիսամյակում 2019–ի նույն ժամանակահատվածի համեմատ պետական բյուջեի համախառն եկամուտները նվազել են 41 801, 9 միլիոն դրամով։

ՀՀ պետական պարտքը 2019–ի դեկտեմբերի 31–ին ունեցածի համեմատ այս տարվա վեց ամսվա ընթացքում ավելացել է 211 879,4 միլիոն դրամով կամ 397,586 միլիոն դոլարով։

Մեր պետական պարտքը հունիսի 30–ի դրությամբ ավելի քան 7,7 միլիարդ դոլար է, որը մեր նախորդ տարվա ՀՆԱ–ի 56,7 տոկոսն է կազմում։

Ահա այսպիսի «հնարավորություններ» են առաջացել կորոնավիրուսային համաճարակի պայմաններում։ Բայց կարևորը դա չէ։ Կարևորն այն է, որ հպարտ քաղաքացին ուզում է պաչել ժողովրդի ծառայի ոտքը։