Իլոն Մասկն առաջին անգամ ներառվել է աշխարհի ամենահարուստ մարդկանց հնգյակում․ Forbes

Ամերիկացի գործարար, Tesla և SpaceX ընկերությունների հիմնադիր Իլոն Մասկն ընդգրկվել է Forbes-ի վարկածով աշխարհի ամենահարուստ մարդկանց հնգյակում. նրա կարողությունը կազմում է 74․2 մլրդ դոլար՝ վերջին 1 օրում ավելանալով մոտ 5․1 մլրդ դոլարով, ինչը տեղի է ունեցել Tesla-ի բաժնետոմսերի աճի շնորհիվ։

Հիշեցնենք՝ Մարտի կեսերին Մասկը գտնվել է աղյուսակի 31-րդ հորիզոնականում։

Այս պահին վարկանիշային աղյուսակը գլխավորում է Amazon-ի հիմնադիր-ղեկավար Ջեֆ Բեզոսը, ում կարողությունը գնահատվում է 189 մլրդ դոլար։ Երկրորդ տեղում Louis Vuitton Moet Hennessy ընկերությունների խմբի գլխավոր տնօրեն Բեռնար Առնոն է և իր ընտանիքը՝ 113․8 մլրդ դոլար կապիտալիզացիայով։

Իսկ երրորդ հորիզոնակում Microsoft-ի համահիմնադիր Բիլ Գեյթսն է (113,4 մլրդ դոլար), չորրորդում՝ Facebook-ի հիմնադիր Մարկ Ցուկերբերգը՝ 90,3 մլրդ դոլարով։