Շվեդիայում կորոնավիրուսի զոհերի թիվը գերազանցել է 4000-ը

Շվեդիայում կորոնավիրուսով վարակված մարդկանց շրջանում մահացությունների թիվը գերազանցել է 4000-ը. այս մասին գրում է Reuters գործակալությունը:

Շվեդիայի առողջապահության գործակալության տվյալների համաձայն՝ անցած մեկ օրվա ընթացքում գրանցվել է մահվան 31 դեպք, և համաճարակի սկսվելուց ի վեր ընդհանուր առմամբ մահացել է 4029 մարդ:

Հաստատվել է հիվանդության ավելի քան 300 նոր դեպք, իսկ վարակվածների ընդհանուր թիվը կազմել է 33.843 մարդ:

Հիշեցնենք՝ Շվեդիան վիրուսի դեմ պայքարի համար խիստ կարանտին չի սահմանել՝ դպրոցների, խանութների և ռեստորանների մեծ մասը բաց թողնելով և ապավինելով սոցիալական հեռավորությանն ու հիգիենային ուղղված կամավոր միջոցառումներին: