«Մենք սխալ հիվանդություն ենք բուժում». կորոնավիրուսի թիրախն ամենևին էլ թոքերը չեն

Ամերիկացի գիտնականները եզրակացության են հանգել, որ նոր կորոնավիրուսային հիվանդությունն ամենաշատն ազդում է ոչ թե թոքերի, այլ էրիտրոցիտների վրա. ըստ Yerkir.am-ի` հայտնում է vz.ru-ն:

«Covid-19-ը թոքաբորբ կամ սուր շնչառական հիվանդություն չի առաջացնում: Մենք սխալ հիվանդություն ենք բուժում»,- համարում է ամերիկացի երիկամաբան Հանի Մուհֆուզը` մեկնաբանելով հետազոտության` ChemRxiv կայքում հրապարակված արդյունքները:

Նրա խոսքով` կորոնավիրուսի գլխավոր թիրախը էրիտրոցիտներն են, որոնք, ախտահարվելով, կորցնում են իրենց հիմնական գործառույթը` թթվածնի տեղափոխումը: Հենց այդ պատճառով կորոնավիրուսային հիվանդության ժամանակ ներքին օրգանները տառապում են թթվածնի պակասից:

Ապրիլին նաև չինացի գիտնականները հայտարարեցին, որ կորոնավիրուսով վարակված  պացիենտների մոտ թոքերի բորբոքային գործընթացների սրացումը և «փայլատ ապակու» ի հայտ գալը հեմոգլոբինի վնասման հետևանք է: Հետագայում նրանց եզրակացությունը հաստատեցին նաև Իտալիայի բժիշկները: