Այսօր Կորած երեխաների միջազգային օրն է

Մի շարք երկրներում մայիսի 25-ին նշվում է Կորած երեխաների միջազգային օրը (International Missing Children’s Day). այս մասին գրում է Calend.ru-ն, նշելով՝ կորած երեխաների հիշատակին նվիրված միջազգային օր սահմանելու գաղափարը ծագել է Ամերիկայում, իսկ Օրվա խորհրդանիշն է կապույտ անմոռուկը։ 

1979 թվականի մայիսի 25-ին դպրոցից տուն գնալու ճանապարհին անհետացել է 6-ամյա ամերիկացի Էվիան Փեյթսը (Etan Patz), որն այդպես էլ չգտնվեց։ Երեխայի անհետացումից չորս տարի անց՝ 1983 թվականի մայիսին, ԱՄՆ նախագահ Ռոնալդ Ռեյգանը Միացյալ Նահանգներում մայիսի 25-ը հայտարարեց Կորած երեխաների ազգային օր։ Հաջորդ տարի՝ 1984 թվականին, ԱՄՆ-ում հիմնադրվեց Կորած ու շահագործման ենթարկված երեխաների որոնումների ազգային կենտրոնը (National Center for Missing and Exploited Children, NCMEC): 1997 թվականի մայիսին ամերիկյան նախաձեռնության օրինակով հիմնադրվեց Կորած ու շահագործման ենթարկված երեխաների որոնման միջազգային կենտրոնը (ICMEC), որի նախաձեռնությամբ էլ ի վերջո մայիսի 25-ը հռչակվեց որպես Կորած երեխաների միջազգային օր։