Մոսկվայում գրանցվել է կորոնավիրուսից մահվան առաջին դեպքը

Ռուսաստանի մայրաքաղաք Մեսկվայում գրանցվել է կորոնավիրուսից մահվան առաջին դեպքը. հայտնում է Yerkir.am-ը՝ Մոսկվայի քաղաքապետ Սերգեյ Սոբյանինի խոսքերին հղումով։

Ի թվիթերյան գրառման մեջ նա, մասնավորապես, նշել է.

«Դժբախտաբար, կորոնավիրուսով վարակից առաջին կորուստն ունենք: 79-ամյա կնոջ մոտ թոքաբորբը բարդացել էր ծանր հիվանդություններով՝ 2-րդ տիպի շաքարային դիաբետ, աթերոսկլերոզ, հիպերտոնիա: Նրա շրջապատն այժմ հսկողության տակ է: Նրանց մոտ չկան ծանր ախտանշաններ»։

Yerkir.am-ն ավելի վաղ տեղեկացրել էր, որ չինական Ուհան քաղաքում բռնկված ու ողջ աշխարհում տարածում գտնող անհայտ տիպի կորոնավիրուսով վարակվածների թիվն օր օրի աճում է։ Կորոնավիրուսի բռնկման մասին չինական իշխանությունները ԱՀԿ-ին տեղյակ էին պահել  դեռևս դեկտեմբերին։

Այս պահին Ռուսաստանում կորոնավիրուսով վարակման 147 դեպք կա, որից 8-ը ապաքինման դեպքեր են։