«5-րդ ալիք»-ի սեփականատեր Արմեն Թավադյանը ազատ արձակվեց

Այսօր առավոտյանը փակ դատական նիստում մոտ 2.5 ժամ Վերաքննիչ քրեական դատարանում՝ դատավոր Ալեքսանդր Ազարյանի նախագահությամբ ընթացել է «5-րդ ալիք» հեռուստաընկերության սեփականատիրջ պաշտպանների Արմեն Թավադյանի  խափանման միջոց կալանավորման որոշման դեմ միջնորդության քննությունը:

Պաշտպանները ներկայացրել են իրենց հիմնավոր փաստարկները: Դատարանը լսել է նաև ՀՔԾ քննիչի և դատախազի հակափաստարկները և հեռացել խորհրդակցական սենյակ:

Վերադառնալով՝ դատարանը բավարարեց Արմեն Թավադյանի պաշտպանների միջնորդությունը, բեկանեց առաջին ատյանի դատարանի որոշումը և ազատ արձակեց Արմեն Թավադյանին:

Նշենք, որ «5-րդ ալիք» հեռուստաընկերության սեփականատեր Արմեն Թավադյանին մեղադրանք է առաջադրվել ՀՀ երկրորդ նախագահ Ռոբերտ Քոչարյանի ենթադրյալ աջակից Վարուժան Մկրտչյանին՝ ՀՀ քրեական օրենսգրքի 340-րդ հոդվածի 4-րդ մասի 1-ին կետով առաջադրված մեղադրանքի շրջանակներում:

Արմեն Թավադյանը ձերբակալվել էր 2019 թվականի դեկտեմբերի 24-ին: Դատարանի որոշմամբ նա կալանավորվել էր 2019 թվականի դեկտեմբերի 26-ին: