Արմեն Թավադյանը դուրս եկավ «Երեւան-Կենտրոն» ՔԿՀ-ից. նրան ծափահարություններով դիմավորեցին

«5-րդ ալիքի» սեփականատեր Արմեն Թավադյանը քիչ առաջ, փաստաբանների ուղեկցությամբ, դուրս եկավ «Երեւան-Կենտրոն» ՔԿՀ-ից։

Աջակիցները Թավադյանին դիմավորեցին ծափահարություններով։

Ավելի վաղ Yerkir.am-ը տեղեկացրել էր, որ այսօր Վերաքննիչ քրեական դատարանի դատավոր Ալեքսանդր Ազարյանը՝ Արմեն Թավադյանին ազատ արձակելու որոշում է կայացրել։ 

Արմեն Թավադյանի պաշտպան Հովհաննես Խուդոյանի խոսքով՝ բողոքը բավարարվել է հիմնավոր կասկածի բացակայության պատճառով։

Թավադյանի գործով նախաքննությունն ավարտվել է, դեռեւս մեղադրական եզրակացությունը չի կազմվել։

Արմեն Թավադյանը կալանավորվել է ՀՀ երկրորդ նախագահ Ռոբերտ Քոչարյանի աջակից ներկայացող Վարուժան Մկրտչյանի կողմից, ըստ Ոստիկանության տեսանյութի, «Մարտի 1-ի» գործով տուժողին ցուցմունքից հրաժարվելու առաջարկ անելու գործով։

Նրան կալանավորել են ՀՀ քրեական օրենսգրքի 340-րդ հոդվածի 4-րդ մասի 1-ին կետով նախատեսված (Սուտ ցուցմունք, կեղծ եզրակացություն տալու կամ սխալ թարգմանության համար կաշառելը կամ հարկադրելը) հանցավոր արարք կատարելու կասկածանքով: