Չինաստանում կորոնավիրուսի զոհերի թիվը հասել է 2943-ի

COVID-2019 կորոնավիրուսի զոհերի թիվը Չինաստանում հասել է 2943-ի, ապաքինվել և հիվանդանոցներից դուրս է գրվել ավելի քան 47 հազար մարդ. հայտնում է Yerkir.am-ը՝ ՌԻԱ «Նովոստի»-ին հղումով:

Նշվում է՝ 1 օրում գրանցվել է մահվան 31 դեպք։ Վարակվածների ընդհանուր թիվը հասել է 80 151-ի։

Մարտի 3-ի տվյլաներով՝ Չինաստանի սահմաններից դուրս վարակվածների թիվը 64 երկրում գերազանցել է 10 հազարը։ Կորոնավիրուսի հետևանքով առաջացած թոքաբորբից մահացել է 128 մարդ։

Կորոնավիրուսով վարակման դեպքեր են գրանցվել ևս 2 երկրում։ Առաջին դեպքերն են ի հայտ եկել Լատվիայում և Սաուդյան Արաբիայում։ Սաուդյան Արաբիայում կորոնավիրուս է հայտնաբերվել Իրանից վերադարձած քաղաքացու մոտ։

Անցյալ 1 օրում Հարավային Կորեայում ախտորոշվել է կորոնավիրուսով հիվանդացության ևս 600 նոր դեպք։ Երկրում վարակվածների թիվը հասել է 4812-ի, մահացել է 28-ը։