Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 4 տարի առաջ - 2020-02-12 09:54
Առանց Կատեգորիա

Գոնե սեռական փոքրամասնությունների չափ պաշտպանված լիներ բիզնեսը ՀՀ֊ում. գործարարը՝ բանանի դեմ կեղծ լուրերի մասին

Գոնե սեռական փոքրամասնությունների չափ պաշտպանված լիներ բիզնեսը ՀՀ֊ում. գործարարը՝ բանանի դեմ կեղծ լուրերի մասին

Գործարար Վահրամ Միրաքյանն, ըստ Yerkir.am-ի, իր ֆեյսբուքյան էջում գրառում է կատարել՝ նշելով, որ որոշ լրատվամիջոցներ կեղծ լուրեր են տարածում, թե բանանը մի շարք հիվանդությունների, այդ թվում՝ մեծ տարածում գտած կորոնավիրուսով վարակման պատճառ կարող է դառնալ:

Նա, մասնավորապես, նշել է. 

«Ընդունված կարծիքին հակառակ գուցե հնչի, բայց Հայաստանում բիզնեսը շատ անպաշտպան է:

Ինչպես ամեն ինչում, այդպես էլ բիզնեսում ընդունված է հիմնականում խոսել նեգատիվի մասին, դրա հետ ավելանում է խորհրդային գաղափարախոսական դաստիարակության մնացորդները, ըստ որի գործարարներն ագահ կուլկներ ու սպեկուլյանտներ են, որոնց պետք է դատել առանց խորանալու:
 
Արդյունքում իսկզբանե բիզնեսի նկատմամբ հասարակությունը նեգատիվ է տրամադրված ու ցանկացած առիթի դեպքում պատրաստ են պայթացնել: Հա, բնականաբար կան նաև ոչ բարեխիղճ բիզնեսներ: Ուրիշ կերպ չի էլ կարող լինել, քանի որ գործարարն էլ հասարակության մի մասն է, բոլոր դրական ու բացասական կողմերով: Բայց նեգատիվն անհամեմատ շատ է:
Արյունքում տնտեսության ու բարեկեցության հիմք հանդիսացող ինստիտուտն անպաշտպան վիճակում է հայտնվում: Երկիրն ու տնտեսությունը պաշտոնյաները չեն կառուցում, նրանց գործառույթն է համապատասխան պայմաններ ստեղծել, որ բիզնեսը կառուցի:
 
Թարմ օրինակ բերեմ: Մի շարք լրատվամիջոցներ ու անհայտ անձինք ինֆո տարծեցին, թե բանանից կորոնավիրուս, սպիդ, չումա և այլ նմանատիպ բաներ են տարածվում: Լրատվամիջոցները դա տարածեցին, որ google ads-ով տրաֆիկի հաշվին մի 10-20 դոլար աշխատեն: Իրենք աշխատեցին էդ գումարը, գուցե 30 դոլար էլ աշխատեցին, բայց դրա հաշվին բանանի վաճառքը 30-70 տոկոս ընկավ (կախված տեղից): Արդյունքում ոլորտի աշխատող ընկերությունները տասնյակ միլիոնների վնասներ կրեցին, չհաշված էն շահույթը, որ պետք է ունենային ու չունեցան:
 
Հիմա որն էր մեր տնտեսությանն օգտակար, էդ 30 դոլարը, որ ստացան կայքերը, թե էն տասնյակ միլիոնների վնասները, որոնք կրեցին ընկերությունները կամ պետությունը, (որը չստացավ դրանց հարկերը):
Էսպիսի այլ բազմաթիվ օրինակներ էլ գիտեմ, բայց էսօր բավարարվենք էս մեկով:
 
Ներդրումներից ենք խոսում: Ներդրումներ ներգրավելու լավագույն տարբերակն է էնպիսի դաշտ ստեղծել, որ բիզնեսն իրեն պաշտպանված զգա: Էդ ժամանակ ներդրումներն անկախ մեզանից կհոսեն մեր երկիր:
Շատ բան չենք ուզում, գոնե սեռական փոքրամասնությունների չափ պաշտպանված լինի բիզնեսը սեռական փոքրամասնություններին մեկը կպնի, տեղում օդերով կհանեն, իրենք կարող են ոստիկանությունում ոստիկան էլ ծեծել: Մենք էդքան պաշտպանված լինել էլ չենք ուզում գոնե անարդար տեղը չկպնեն:
Իսկ բանանի պահով, ով դեռ տեղյակ չի, հիշեցնեմ, որ սպիդ կամ գրիպ բանանից չեն ընկնում, իսկ բժիշկների համաշխարհային միությունը խորհուրդ է տալիս օրը 2 բանան ուտել, ցանկալի է 1 կգ
 
Հ.Գ. Շնորհակալություն էն լրատվամիջոցներին, որոնք օբյեկտիվ ու ստուգված ինֆորմացիա են տարածում»:
Image may contain: text and food
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը