ՏԵՍԱՆՅՈՒԹ. Հրապարակվել է Իրանում ուկրաինական Boeing-ի վրա 2 հրթիռի արձակման և ինքնաթիռի խոցման պահը

Համացանցում երեկվանից մեծ տարածում է գտել ուկրաինական Boeing 737-800-ի ուղղությամբ երկու հրթիռների արձակման և ինքնաթիռի խոցման պահն արձանագրած տեսանյութը, որն, ըստ Yerkir.am-ի, վերահրապարակել է New York Times-ը:

Տեսանյութը հրապարակվել է YouTube-ում հունվարի 14-ի գիշերը, իրանցի օգտատիրոջ կողմից։ Այն նկարահանվել է Թեհրանի արվարձաններից մեկի շենքին տեղադրված տեսախցիկով։

Ավելի վաղ տեղեկացրել էինք, որ հունվարի 8-ի վաղ առավոտյան Թեհրանից Կիև ուղևորվող ինքնաթիռը կործանվել էր Թեհրանի՝ Իմամ Խոմեյնիի անվան օդանավակայանից օդ բարձրանալուց որոշ ժամանակ անց։ Ըստ պաշտոնական տվյալների՝ վթարի հետևանքով զոհվել 176 մարդ, այդ թվում՝ Իրանի, Ուկրաինայի, Կանադայի, Մեծ Բրիտանիայի, Գերմանիայի, Շվեդիայի և Աֆղանստանի քաղաքացիներ։