Իրանում ձերբակալվել է ուկրաինական ինքնաթիռի խոցման տեսանյութի հեղինակը

Իրանում ձերբակալվել է երկրի կողմից հունվարի 8-ին ուկրաինական Boeing-ի խոցման պահը տեսանկարահանած ու համացանցում հրապարակած անձը. ըստ Yerkir.am-ի՝ հայտնում է Reuters լրատվական գործակալությունը իրանական Fars-ին հղումով՝ նշելով, որ ձերբակալությունը կատարվել է Իրանի իսլամական հեղափոխության պահապանների կորպուսի կողմից:

Հիշեցնենք, որ ավելի վաղ երկրի կողմից հայտարարություն էր տարածվել առ այն, որ ինքնաթիռը խոցվել է պատահաբար: Իրանցի զինվորականներն այն շփոթել էին ու այն թշնամական համարել, քանի որ այն թռել է Իրանի ռազմական օբյեկտին շատ մոտ հեռավորության վրա:

Ավելի վաղ տեղեկացրել էինք, որ համացանցում հրապարակվել էր Իրանում ուկրաինական Boeing-ի վրա 2 հրթիռի արձակման և ինքնաթիռի խոցման պահը: