Իսրայելը հայտարարել է Լիբանանից իր տարածքի ուղղությամբ երեք հրթիռի արձակման մասին

Հինգշաբթի՝ մայիսի 13-ին, երեք հրթիռ է Լիբանանից արձակվել Իսրայելի ուղղությամբ: Այս հայտարարությունն արել է իսրայելական բանակը:

«Որոշ ժամանակ առաջ Լիբանանից երեք հրթիռ է արձակվել, որոնք ընկել են Միջերկրական ծովը՝ Իսրայելի հյուսիսային ափերի մոտ»,- ասվում է Իսրայելի բանակի պաշտոնականթվիթերյան էջում:

Վերջին օրերին տեղի է ունեցել պաղեստինա-իսրայելական հակամարտության լուրջ սրում: Կողմերը փոխադարձ հրթիռային հարվածներեն իրականացրել: Ըստ Իսրայելի՝ սրացումից հետո Գազայի հատվածից ավելի քան 1750 հրթիռ է արձակվել:

Պաղեստինը հայտնում է 4000 շենքերի վնասների և ավերածությունների և 86 մարդու մահվան մասին:

Մայիսի 13-ին Իսրայելի Պաշտպանության ուժերի խոսնակ Յոնաթան Կոնրիկուսը հայտարարել է, որ երկիրը պատրաստվում է ցամաքային գործողության Գազայի հատվածում, սակայն մինչ այժմ հրաման չի ստացվել դրա մեկնարկի մասին: Նույն օրը Իսրայելի ՊՆ ղեկավարը հաստատել է 9 հազար պահեստազորի մոբիլիզացման մասին լուրը: