Իսլամական պետության զինյալները փախչում են բանտերից Թուրքիայի կողմից Սիրիայի ռմբակոծումից հետո․The Independent

Իսլամական պետության հինգ զինյալներ դուրս են եկել Սիրիայի հյուսիսում գտնվող բանտից, երբ մոտակայքում թուրքական հրետակոծությունները տեղի են ունեցել. հայտնում է Սիրիայի դեմոկրատական ուժերի քրդերի առաջնորդը: Ձերբակալվածները փախել են Կամիշլիի բանտից, ասել է Մարվան Քամիշլոն:

Նա հավելել է, որ միաժամանակ, Իսլամական պետության հետ առնչվող կանայք փայտերով և քարերով հարձակվել են անվտանգության գրասենյակների վրա անկարգությունների ժամանակ՝ այն տարածաշրջանում, որտեղ Թուրքիան գրոհներ է սկսել։
Ալ-Հոլ ճամբարում տեղի ունեցած անկարգությունները սկսվել են օտարերկրացիների հատվածում և ներգրավվել են ավելի շատ մարդ, քան ճամբարում նախորդ դեպքերը։

«Կանայք(Իսլամական պետության) բարձրացան Ալ-Հոլի ներքին անվտանգության ուժերի դեմ, վառեցին վրանները, հարձակվեցին այնտեղ գտնվող վարչական և անվտանգության գրասենյակների վրա քարերով ու փայտերով»,- ավելացրեց նա:

Սիրիայի դեմոկրատական ուժերի (SDF) կողմից տարածված և հեռվից նկարահանված անկարգությունների տեսանյութը ցույց է տվել, որ շուրջ 20 ամբողջովին քողարկված կանայք վազում են բաց տարածության մեջ, և մի քանի տղամարդիկ հետապնդում են նրանց: Թուրքական ուժերը Սիրիա են մտել երրորդ օրը այն բանից հետո, երբ Անկարան միջսահմանային ռազմական գործողություններ սկսեց քուրդ կռվողների դեմ: Հազարավոր քաղաքացիներ խուսափել են բռնությունից շնորհիվ միջազգային քննադատությունների:

Գործողության սկզբից ի վեր հաղորդվում է, որ առնվազն ինն անձ զոհվել է Թուրքիայում, և ևս մի քանիսը՝ Սիրիայում: Հինգշաբթի օրը քուրդ պաշտոնյան նախազգուշացրեց, որ Իսլամական պետության անդամ ձերբակալված անձինք կարող են դուրս գալ հսկողությունից, քանի որ քրդերի կողմից ղեկավարվող անվտանգության ուժերը դիմակայում են թուրքական հարձակմանը, և թուլանում է ձերբակալվածներին պահելու նրանց հնարավորությունը: