«Անասնաբուժասանիտարիայի և բուսասանիտարիայի ծառայությունների կենտրոն» ՊՈԱԿ-ը կլուծարվի

Անասնաբուժասանիտարիայի և բուսասանիտարիայի ծառայությունների կենտրոն» ՊՈԱԿ-ը կառավարության որոշմամբ կլուծարվի։

Ըստ նախագծի հիմնավորման, ՊՈԱԿ-ի գործունեությունը շարունակելը նպատակահարմար չէ, իսկ դրա գործառույթները կիրականացվեն էկոնոմիկայի նախարարության միջոցով։

ՊՈԱԿ-ն իրականացնում էր հակաանասնահամաճարակային միջոցառումներ, գյուղատնտեսական կենդանիների հաշվառման, համարակալման և գրանցման միջոցառումներ եւ այլն։

Կազմակերպության լուծարումից հետո մնացած դրամական միջոցներն ուղղվելու են ՀՀ պետական բյուջե, շարժական գույքն ամրացվելու է էկոնոմիկայի նախարարությանը, իսկ անշարժ գույքը՝ ՀՀ պետական գույքի կառավարման ոլորտի լիազոր մարմնին:

«Նախագծի ընդունմամբ ակնկալվում է անասնաբուժասանիտարական և բուսասանիտարական ծառայությունների որակի բարձրացում, պետական բյուջեի միջոցների արդյունավետ օգտագործում, ինչպես նաեւ ՊՈԱԿ-ի գործառույթները կիրականացվեն էկոնոմիկայի նախարարության միջոցով»,- ասված է հիմնավորման մեջ:

ԵՐԿԻՐ