Իրանն ու Հայաստանը համագործակցության երկու փաստաթուղթ են ստորագրել

Իրանն ու Հասատանը համագործակցության երկու փաստաթուղթ են ստորագրել: Այս մասին, ըստ alikonline.ir-ի, տեղեկացնում է Իրանի Իսլամական Հանրապետության նախագահի աշխատակազմի  լրատվական ծառայությունը:

Առաջին փաստաթուղթը Իրանի ազգային ստանդարտացման կազմակերպության և ՀՀ տնտեսական զարգացման և ներդրումների նախարարության միջև ստորագրված համագործակցության հուշագիրն է, իսկ երկրորդը՝ Իրանի ազատ տնտեսական-արդյունաբերական գոտիների գերագույն խորհրդի և ՀՀ տնտեսական զարգացման և ներդրումների նախարարության միջև համագործակցության պայմանագիրը:

Փաստաթղթերը երկու երկրների անունից ստորագրել են ԱԳ նախարարներ Մոհամմադ Ջավադ Զարիֆն ու Զոհրաբ Մնացականյանը: