Իրանն ու Ադրբեջանը Ռուսաստանի հետ եռակողմ տարանցման վերաբերյալ արձանագրություններ են ստորագրել

Ադրբեջանի հետ համագործակցության մասին երեք արձանագրություն է ստորագրվել. ըստ IRNA-ի՝ հայտնել է Իրանի Իսլամական Հանրապետության մաքսային կազմակերպության ղեկավար Ալի Ռեզա Մոքադասին։

Ըստ նրա՝ երկու երկրների մաքսավորների միջև Ջուլֆայում (Ջուղա) ստորագրված արձանագրությունների շնորհիվ համագործակցությունն էլ ավելի կզարգանա, կարագացվի, և կհամակարգվեն նաև տնտեսական գործարքները, մաքսային ընթացակարգերն ու երկկողմանի փոխգործակցությունը։

Մոքադասին հավելել է, որ այս արձանագրություններով պայմանավորվածություն է ձեռք բերվել նաև Իրանի, Ադրբեջանի և Ռուսաստանի միջև եռակողմ տարանցման վերաբերյալ։

Նա ասել է, որ մինչ այդ հանդիպումները Իրանի մաքսավորները մի շարք անձնական և վիրտուալ հանդիպումներ են ունեցել ադրբեջանցի պաշտոնյաների հետ, որոնց արդյունքների մասին զեկուցվել են Իրանի և Ադրբեջանի արտաքին գործերի նախարարություններին։

Իրանի մաքսային կազմակերպության ղեկավարը նշել է, որ ադրբեջանցի պաշտոնյաներն իրենց համաձայնությունն են հայտնել այդ արձանագրությունների հոդվածների առնչությամբ, և այժմ եռակողմ համաձայնագիր պետք է ստորագրվի Թեհրանում։