Հեղաշրջման գործով մինչ օրս Թուրքիայի զինված ուժերից հեռացվել է 15.153 զինվորական

Թուրքիայում շարունակվում են 2016 թվականի հուլիսի 15-ի հեղաշրջման փորձի գործով կալանավորված մարդկանց դատավարությունները։

Ըստ DW-ի` հայտնի է դարձել, որ հեղաշրջման գործով բացված է եղել 289 վարույթ, որից 239-ն արդեն ավարտվել են։ Դատական որոշումներից 34-ը կայացվել է Անկարայում, իսկ 46-ը՝ Ստամբուլում։

Ընդհանուր առմամբ,  ռազմական հեղաշրջման փորձին առնչություն ունենալու մեղադրանքով դատապարտվել է 3057 մարդ, նրանցից 1934-ը՝ ցմահ ազատազրկման։ Նրանցից 956-ն իրենց պատիժը կրելու են խստացված ռեժիմով կալանավայրում:

Գյուլենական շարժման  դեմ պայքարի շրջանակներում մինչ օրս Թուրքիայի զինված ուժերից հեռացվել է 15.153 զինվորական։