Մամեդյարովը Գրեմինգերին առաջարկել է Արցախում տիրող իրավիճակի գնահատման առաքելություն իրականացնել

Ադրբեջանի ԱԳՆ ղեկավար  Էլմար Մամեդյարովը Միլանում` ԵԱՀԿ ԱԳ նախարարների խորհրդի 25-րդ նիստի շրջանակում, հանդիպել է ԵԱՀԿ գլխավոր քարտուղար Թոմաս Գրեմինգերի հետ. հայտնում է minval.az կայքը:

Հայտնի է, որ հանդիպման ժամանակ նա առաջարկել է Արցախում տիրող իրավիճակի գնահատման առաքելություն իրականացնել:

Հանդիպման ժամանակ քննարկվել են արցախա-ադրբեջանական հակամարտության կարգավորման հեռանկարները, Ադրբեջանի ու ԵԱՀԿ-ի համագործակցության հնարավորությունները:

Մամեդյարովը Գրեմինգերին տեղեկություններ է հաղորդել դեկտեմբերի 5-ին Հայաստանի ԱԳՆ ղեկավարի պաշտոնակատար Զոհրաբ Մնացականյանի ու ԵԱՀԿ Մինսկի խմբի համանախագահների հետ ունեցած հանդիպման վերաբերյալ՝ ընդգծելով, որ այն բավականին արդյունավետ է եղել: