Թուրքիան ԱՄՆ-ի հետ առևտրային պատերազմի մեջ է ներքաշվել. Газета.ру

Թուրքիան միացել է այն երկրներին, որոնք մասնակցում են ԱՄՆ-ի հետ առևտրային պատերազմին։ Թուրքիայի նախագահ Ռեջեփ Թայիփ Էրդողանի կարգադրությամբ չորեքշաբթի կտրուկ բարձրացվել են մի շարք ամերիկյան ապրանքների ներկրման համար մաքսատուրքերը։ Ավելի վաղ ԱՄՆ-ը  բարձր մաքսատուրքեր է սահմանել Թուրքիայից  պողպատի և ալյումինի ներկրման համար. գրում է Газета.ру-ն:

Թերթը նշում է, որ թուրքական լիրան տարվա սկզբից էժանացել է երկու անգամ:

Ըստ վերլուծաբանների, սակայն, թուրքական լիրայի արժեզրկման խնդիրը երեկ չի առաջացել ու կապված չէ միայն պատժամիջոցների ու մաքսատուրքերի հետ։ Ըստ փորձագետ Գայդար Հասանովի` թուրքական լիրայի արժեզրկումը պայմանավորված է նաև դրամավարկային քաղաքականության վրա Էրդողանի ազդեցության հետ կապված մտավախություններով։

Իսկ Անդրեյ Կուզնեցովը ընդգծում է, որ Թուրքիայում շարունակվում է արժութային ճգնաժամը. տեղի դրամավարկային իշխանությունները դեռ չեն ներկայացրել միջոցառումների ծրագիր, որոնք կհուսադրեին շուկայի մասնակիցներին։