Իլգար Մամեդովը պայմանական ազատ է արձակվել

Ադրբեջանում ազատ է արձակվել ընդդիմադիր,  REAL շարժման նախագահ Իլգար Մամեդովը. հայտնում է Oxu.Az-ը: Նման վճիռ կայացրել է Շեկինկսի վճռաբեկ դատարանը:

Նշվում է, որ նա պայմանական է ազատ արձակվել: Նրան արգելել են լքել երկիրը: Փաստաբանը հայտնել է, որ Մամեդովին չեն ազատել դատարանի դահլիճում, սպասվում է, որ նա ազատ կարձակվի երեկոյան:

REAL շարժման ղեկավար Իլգար Մամեդովը կալանավորվել էր 2013թ. փետրվարի 4-ին: Նրան մեղադրում են 2013թ. հունվարին Իսմայիլիի շրջանում անկարգությունների կազմակերպման մեջ: Շեկինսկի դատարանը 2014-ի մարտին նրան 7 տարվա ազատազրկման էր դատապարտել: 2014-ի մայիսին Մարդու իրավունքների եվրոպական դատարանը վճռել էր, որ նրա ձերբակալությունը հակասում է մարդու իրավունքների հարցերով եվրոպական կոնվենցիային և պահանջում էր ազատ արձակել Մամեդովին: