ՃՏՊ Արտաշատում. կան տուժածներ

Հունիսի 3-ին, ժամը 00:42-ին «911» ծառայությանը տեղեկություն է ստացվել, որ Արարատի մարզի Արտաշատ քաղաքի Իսակովի փողոցում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ Իսակովի փողոցի թիվ 71ա հասցեում բախվել են «ՎԱԶ-2106» մակնիշի (վարորդը՝ Ա. Մ., ծնված 1986 թ.) և «Opel Vectra B» մակնիշի (վարորդի տվյալները չի հաջողվել պարզել) ավտոմեքենաները:

Փրկարարները շտապօգնության ավտոմեքենային են մոտեցրել «ՎԱԶ-2106» մակնիշի ավտոմեքենայի վարորդին և ուղևոր՝ Գ. Դ.-ին (ծնված 2003 թ.), ովքեր հոսպիտալացվել են «Էրեբունի» ԲԿ: Բժիշկները Ա. Մ.-ի առողջական վիճակը գնահատել են ծանր, իսկ Գ. Դ.-ինը՝ կայուն:

Փրկարարները հոսանքազրկել են ավտոմեքենաները և փակել գազի բալոնների փականները: