Հայաստանի կորուստը սարսափելի երազ է Ռուսաստանի համար. Սոլովյով. տեսանյութ

Նոյեմբերի 22-ին  հայտնի հաղորդավար Վլադիմիր Սոլովյովը «Полный контакт» հաղորդման եթերում քննարկել է Հայաստանի  և ԵՄ-ի համագործակցության թեման:

«Հայաստանի կորուստը կարելի է պատկերացնել միայն սարսափելի երազում: Ղարաբաղում ստեղծված իրավիճակից հետո մեր հարաբերությունները բարդացան, քանի որ հայերը մեզ կոնկրետ պահանջ էին ներկայացնում` առաջին հերթին` Ադրբեջանին զենքի մատակարարումը, երկրորդ` Ադրբեջանը գնդակոծում է ոչ միայն Լեռնային Ղարաբաղի տարածքները, այլև` Հայաստանի, և, եթե մենք դաշնակիցներ ենք, ապա ինչո՞ւ չենք պաշտպանում»,- ասել է նա հաղորդման ժամանակ:

Հաղորդավարները քննարկել են Ռուսաստանի և Հայաստանի հարաբերությունները պատմաբան, լրագրող Արմեն Գասպարյանի հետ: Եթերի շրջանակում անդրադարձ է կատարվել նաև Հայաստանում ռուսաց լեզվի դերին, Գյումրիում ռուսական ռազմաբազային և Հայաստանի դիրքորոշմանը Ղրիմը ճանաչելու հարցում: