ԿԺԴՀ-ում ավելի շուտ խոտ կուտեն, քան միջուկային փորձարկումներից կհրաժարվեն. Պուտին

ԿԺԴՀ-ն պատժամիջոցների ճնշման տակ չի հրաժարվի միջուկային զենքի մշակումից, քանի որ այդ ծրագիրն անվտանգության հարց է համարում: Այդ մասին հայտարարել է Ռուսաստանի նախագահ Վլադիմիր Պուտինը Չինաստանում մամուլի ասուլիսի ժամանակ. հայտնում է РИА Новости-ն:

«Ռուսաստանը դատապարտում է Հյուսիսային Կորեայի այդ «վարժությունները»: Մենք կարծում ենք, որ դրանք սադրիչ բնույթ ունեն»,- ընդգծել է նա:

ՌԴ նախագահը նշել է, որ այս դեպքում ցանկացած տեսակի պատժամիջոցների կիրառումն արդեն անօգուտ է և անարդյունավետ:

«Նրանք, ինչպես ես երեկ ասացի իմ գործընկերների հետ հանդիպման ժամանակ, խոտ կուտեն, հասկանո՞ւմ եք, բայց չեն հրաժարվի այդ ծրագրից, եթե իրենց անվտանգ չզգան»,- ասել է Պուտինը: