Էրդողանի ռեժիմը կգնա, և մենք կվերադառնանք. Նիշանյանը խոսել է հայկական թերթի հետ

Վերջերս թուրքական բանտից փախուստի դիմած պոլսահայ հայտնի գրող, լեզվաբան Սևան Նիշանյանը մեկնաբանություն է տվել ԱՄՆ-ում լույս տեսնող հայկական The Armenian Weekly շաբաթաթերթի թղթակից Գուլիսոր Աքքումին:

Հիշեցնենք, որ Նիշանյանին  ձերբակալել և դատապարտել էին իր սեփական այգում «անօրինական» շինարարություն իրականացնելու համար: Նիշանյանը պարբերաբար քննադատում էր թուրքական իշխանություններին` բացահայտ խոսելով  Հայոց ցեղասպանության մասին:

Նիշանյանը նշել է, որ Էրդողանի ռեժիմի օրերը հաշված են:

«Ցավում եմ, որ որոշ ժամանակով հեռու կլինեմ իմ գյուղից և տանից: Բայց չեմ կարծում, որ Թուրքիայում այս քաղաքական խելագարությունը երկար ժամանակ կշարունակվի: Էրդողանի ռեժիմը կգնա, և մենք կվերադառնանք»,-թերթի հետ զրուցում ասել է Նիշանյանը: