Ինչու Աշոտյանը չի ծառայել

ԱԺ-ում լրագրողների հետ զրույցում ՀՀԿ խմբակցության պատգամավոր Արմեն Աշոտյանը հայտարարեց, որ չի խուսափել բանակում ծառայությունից։  «Ես ՀՀՇ-ի իշխանության օրոք ընդունված օրենքով չեմ ծառայել: 92 թվականին ընդունվելով տարկետման իրավունքով, չլինելով պաշտոնյա, սովորական ծառայողի ընտանիքի զավակ, 98 թվականին ավարտել եմ բժշկական համալսարանը։ Իհարկե, լավ կլիներ: Բայց հիշեք, որ ինչպես հազարավոր այլ բժիշկներ, ես էլ բժշկական ծառայության սպա եմ»,- պարզաբանեց  նա:

Անդրադառնալով հարցին, թե նախորդ տարվա ապրիլյան քառօրյա պատերազմի ժամանակ բժշկական ծառայություն մատուցե՞լ է, թե՞ ոչ, Արմեն Աշոտյանը պատասխանեց. «Ես մասնագիտությամբ դատական բժիշկ եմ: Այո, պատերազմի ժամանակ, ցավոք, եղան զոհեր, բայց իմ մասնագիտական գիտելիքների կարիքը չկար»: