Գյուղացուն պետք է իրազեկել. Կարեն Կարապետյան

Այսօր կառավարության նիստում վարչապետ Կարեն Կարապետյանը մի քանի դիտարկումներ ուներ գյուղատնտեսության վերաբերյալ: Նա դիմեց գյուղնախարար Իգնատի Առաքելյանին` ասելով, որ բազմաթիվ ծրագրեր ու առաջարկություններ կան, որոնք չեն հասնում գյուղացուն:

Ըստ վարչապետի` գյուղացին իրազեկված չէ: Նա հանձնարարեց, որ գյուղնախարարությունը մոտ ժամանակներս կազմակերպի լիզինգի 2 տոկոսի, գոտիավորման, լավագույն ծրագրերի մասին իրազեկվածության բարձրացման միջոցառումներ:

«Որևէ տեղ գյուղացիները չգիտեին, որ կառավարությունը 7 տոկոս սուբսիդավորում է, որ գյուղացիները 2 տոկոսով լիզինգը վերցնեն: Հստակ բացատրեք, թե ինչպես կարող է գյուղացին դրանից օգտվել, խորհրդատվական ծառայության խնդիր կա: Ցանկացած ռեֆորմ, որը անում է գյուղնախարարությունը, թեմա առ թեմա, պետք է տարածել»,- ասաց վարչապետը: