Գերմանիայում 91 մզկիթ է հարձակման ենթարկվել 2016-ին

Գերմանիայի կառավարությունը հայտարարել է, որ 2016 թվականին երկրում 91 մզկիթ է հարձակման ենթարկվել:

Ինչպես տեղեկացնում է Associated Press-ը, Գերմանիայի ներքին գործերի նախարարության հրապարակած զեկույցում նշվում է, որ հարձակումների մեծամասնությունը՝  21 դեպք, տեղի է ունեցել արևմտյան Գերմանիայի Հյուսիսային Ռեյն Վեստֆալիա վարչական շրջանում, որտեղ ամենից շատ մուսուլման ներգաղթյալներ են բնակվում:

Զեկույցում չի նշվում, թե որքանով են մզկիթները տուժել հարձակումների հետևանքով: Սակայն նշվում է, որ ոստիկանությունը բացահայտել է 12 գործով կասկածյալների և ձերբակալել մեկին:

Նմանատիպ հարձակումների թիվը երկրում մեծացել է 2015-ին 890 000 ներգաղթյալների ժամանմամբ և Գերմանիայի որոշ շրջաններում տիրող հակամուսուլմանական տրամադրվածությամբ: