Հույները դեմ են Աթենքում մզկիթ կառուցելուն

Ծայրահեղ աջ «Ոսկե արշալույս» հունական կուսակցությունը խոստացել է տապալել Աթենքում մզկիթի շինարարությունը: Այդ մասին հայտարարությունը կուսակցությունը տարածել է երեկ` մայիսի 20-ին. տեղեկացնում է France-Presse-ն: «Եթե նրանք Հունաստանում սկսեն մզկիթ կառուցել իսլամական հանցագործների համար, մենք կմոբիլիզացնենք այդ ծրագրերի դեմ հարյուր հազար մարդու»,-ասվում է հայտարարության մեջ:

«Ոսկե արշալույս»-ի ներկայացուցիչները մեկ անգամ չէ, որ հայտարարում են, թե անլեգալ միգրանտները, որոնք մեծ մասը մահմեդական են, պատասխանատվության զգալի բաժին ունեն տնտեսական  անհաջողություններում եւ հանցավորության մակարդակի աճի համար: Նույն կարծիքին են նաեւ բազմաթիվ հույներ, որոնք համարում են, որ Աթենքում մզկիթի կառուցումը «սխալ հատուցում» է Կոստանդնուպոլսի գրավման, Սուրբ Սոֆիայի եկեղեցին մզկիթ դարձնելու, նաեւ Անատոլիայի հույների կոտորածի ու արտաքսման դիմաց: