Անհեթեթ արտանետում

ՀՀ Ոստիկանության հասարակայնության հետ կապերի և լրատվության վարչության պետ Աշոտ Ահարոնյանն անդրադարձել է մամուլի հրապարակումներին՝ գրելով. «Լրատվամիջոցներից մեկը, մեղմ ասած, տարօրինակ «ընդհանրացում» է արել, թե «Ամենուր աշխատակազմերին ուղղորդում են դեպի ՀՀԿ, անգամ՝ ոստիկանության համակարգում»: Հերթական անհիմն, անփաստարկ, անհեթեթ արտանետումը՝ մեկ անգամ էլ ոստիկանության անունը հոլովելու զավեշտալի նպատակով:

Կրկին ու կրկին կոչ ենք անում լրատվամիջոցին՝ դադարեք ոստիկանության անունը շահարկելով ծիծաղելի վիճակների մեջ ընկնելուց: Իսկ եթե ձեր գոյությունն առանց ոստիկանության հիշատակման չեք պատկերացնում, դիմեք police.am կայքի օգնությանը. կայքում ոստիկանության իրական աշխատանքի բազում օրինակներ ու լրագրությունը խելամտության հարթություն վերադարձնլու հնարավորություններ կան»: