Արել եմ այն, ինչ Օբաման արեց 2011 թվականին. Թրամփ

ԱՄՆ նախագահ Դոնալդ Թրամփը հայտարարել է, որ իր՝ ներգաղթային քաղաքականությունը բոլորովին ուղղված չէ մուսուլմանների դեմ:

TheDailymail-ի հաղորդմամբ՝ նա պնդել է, որ ԶԼՄ-ներն աղավաղել են իր քաղաքականությունը, և իր ստորագրած հրամանագիրը արգելք չէ մուսուլմանների համար:

«Սա ոչ թե կրոնի, այլ ահաբեկչության և մեր երկրի անվտանգության հարց է»,- նշվում է Թրամփի տարածած հայտարարությունում:

Թրամփը մուսուլմանների դեմ իր կայացրած որոշումը նաև համեմատել է Բարաք Օբամայի՝ դեռևս 2011 թվականին կայացրած որոշման հետ: «Իմ նոր քաղաքականությունը նման է Օբամայի որոշմանը, երբ նա հանել էր վիզաները Իրաքից փախստականների` ԱՄՆ մուտքն արգելելու նպատակով: Արգելքը գործել էր 8 ամսով»,- նշել է նախագահը: