Նստակյաց կյանքը վտանգավո՞ր է

ԱՄՆ-ում մասնագետների խումբը հանգել է այն եզրակացության, որ  տեղեկությունն այն մասին, թե նստակյաց կյանքը վտանգավոր է առողջության համար, խիստ չափազանցված է. հայտնում է Информинг.ру-ն:

Մասնագետները, ովքեր 16 տարի շարունակ ուսումնասիրություններ են իրականացրել, հանգել են այն եզրակացության, որ խնդիրը ոչ թե նստած վիճակում անցկացված ժամերն են, այլ ֆիզիկական վարժությունների պակասը:

Հետազոտությանը մասնակցել է 5 132 մարդ: Հետազոտությունը ցույց է տվել, որ նստակյաց կյանքը որևէ կերպ չի ազդում մարդու առողջության և կյանքի տևողության վրա:

Այսպիսով` մասնագետները չեն վիճում, որ մարդը պետք է հետևի կազմվածքին, ֆիզիկական վիճակին, սակայն պնդումը, որ մշտապես պետք է շարժման մեջ լինել և հնարավորինս քիչ ժամանակ անցկացնել նստած վիճակում, չափազանցված է: