Այս պահին Երևանում sett-weather
Փոխարժեքներ 18 11 2025
USD ⚊ $ 381.72
EUR ⚊ € 442.6
RUB ⚊ ₽ 4.7045
GBP ⚊ £ 502.04
GEL ⚊ ₾ 140.99
կարևոր
0 դիտում, 8 տարի առաջ - 2016-12-06 19:00
Հասարակություն

Արծվիկ Մինասյանը հանդիպում է ունեցել ՄԱԿ-ի Պարենի և գյուղատնտեսության կազմակերպության ներկայացուցչի հետ

Արծվիկ Մինասյանը հանդիպում է ունեցել ՄԱԿ-ի Պարենի և գյուղատնտեսության կազմակերպության ներկայացուցչի հետ

Դեկտեմբերի 6-ին ՀՀ բնապահպանության նախարար Արծվիկ Մինասյանը հանդիպում է ունեցել  ՄԱԿ-ի Պարենի և գյուղատնտեսության կազմակերպության  /ՊԳԿ/ ներկայացուցիչ Ռայմունդ Յելեի հետ:

Ինչպես տեղեկացնում են ՀՀ բնապահպանության նախարարության տեղեկատվության և հասարակայնության հետ կապերի վարչությունից, նախարարը շնորհակալություն է հայտնել Հայաստանում իրականացրած օժանդակության և շարունակվող ծրագրերի համար՝ նշելով, որ  Պարենի և գյուղատնտեսության կազմակերպության կողմից ՀՀ կառավարությունը լայնամասշտաբ աջակցություն է ստացել զարգացման և արտակարգ օգնության ծրագրերի իրականացման գործում: Իր խոսքում Արծվիկ Մինասյանը նշել է, որ ՊԳԿ-ի հետ բնապահպանության նախարարությունը կարող է լինել սկզբունքային գործընկեր և, այս համատեքստում, կարևորել կազմակերպության կողմից իրականացվող ծրագրերում շրջակա միջավայրի պահպանության և բնական ռեսուրսների անվտանգ օգտագործման  հիմնահարցերի ընդգրկումը:


Ռայմունդ Յելեն շնորհակալություն է հայտնել ընդունելության համար, նշել ,որ ՄԱԿ-ի Պարենի և գյուղատնտեսության կազմակերպությունը հնարավորություն ունի ներկայացնելու միջազգային նորարար լավագույն փորձը և ՀՀ բնապահպանության նախարարությանը պատրաստ է աջակցելու մի շարք հարցերում, այդ, թվում ջրային ռեսուրսների նպատակային օգտագործման, հողերի դեգրադացիայի, անտառային տնտեսությանը վերաբերող խնդիրների լուծման գործում: ՊԳԿ ներկայացուցիչը նշել է, որ օժանդակության ծրագրերը  Պարենի և գյուղատնտեսության կազմակերպությունը կարող է իրականացնել նաև ՄԱԿ-ի Կանաչ կլիմայական հիմնադրամի միջոցներով:

Նախարարը շնորհակալություն է հայտնել համագործակցության պատրաստակամության համար և նշել, որ վստահորեն՝ այնպիսին կարող է լինել համատեղ աշխատանքը, որ այն օրինակելի դառնա թե մյուս գերատեսչությունների, թե ծրագրերին աջակցող միջազգային հանրությանը ներկայացված տեսանելի արդյուքներով՝ այլ երկրների համար:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը