Փոխարժեքներ 22 10 2024
USD	⚊	$ 387.16
EUR	⚊	€ 419.99
RUB	⚊	₽ 4.03
GBP	⚊	£ 504.2
GEL	⚊	₾ 142.18

կարևոր

«Հայաստան» խմբակցությունը կանոնակարգի քննարկման ու քվեարկման այս հակաօրինական գործընթացին չի մասնակցելու. Արմեն Ռուստամյան
6 րոպե առաջ Քաղաքական
Սևանի և Գավառի տարածաշրջաններում ձյուն է տեղում
8 րոպե առաջ Հասարակություն
Պարոն Սիմոնյան, հենց նոր հերթական անգամ ստեցիք` մեղադրելով Դաշնակցությանը. Արծվիկ Մինասյան
9 րոպե առաջ Քաղաքական
Արցախի ժողովրդի՝ իր սեփական հողում ապրելու իրավունքն անժխտելի է, որը ո՛չ Ալիեւը եւ ո՛չ ուրիշ մեկը իրավունք ունի հերքելու կամ անտեսելու
39 րոպե առաջ Քաղաքական
5 միլիոն բնակչություն չենք ունենա. Փաշինյանը խաբել է. Մաս 235. «Ժողովուրդ»
56 րոպե առաջ Քաղաքական
Կրկին փորձիր․ «Հրապարակ»
1 ժամ առաջ Քաղաքական
«Թավշյա հեղափոխության» իրական կողմը. Արփի Դավոյանին պարտքի համար դատի էին տվել. «Ժողովուրդ»
1 ժամ առաջ Իրավական
Ֆուտբոլում ևս, փաստորեն, բոլորը մեղավոր են, բացի ՀՖՖ ղեկավարությունից. «Փաստ»
1 ժամ առաջ Հասարակություն
Փոփոխություններ ընտրական օրենսգրքում, ՀՌՀ անդամի եւ Վճռաբեկ դատարանի դատավորի ընտրություն. «Ժողովուրդ»
1 ժամ առաջ Քաղաքական
Կհարցաքննեն կուսակիցներին․ «Հրապարակ»
1 ժամ առաջ Իրավական

0 դիտում,

8 տարի առաջ - 2016-09-06 13:19

Հասարակություն

Հիվանդին բուժել տանը, այլ ոչ` հոգեբուժարանում

Այսօր ԱԺ առողջապահության հարցերի մշտական հանձնաժողովում քննարկվում էր կառավարության կողմից ներկայացված օրենք հոգեբուժական օգնության մասին: Օրենքը ներկայացնող` առողջապահության փոխնախարար Սերգեյ Խաչատրյանը նշեց, որ դա ոլորտը կարգավորող նոր օրենք է, որը վերաբերում է մարդու հոգեկան առողջության պահպանմանը, հոգեբուժական օգնությանը եւ սպասարկմանը, հոգեկան խանգարում ունեցող անձանց իրավունքներին, դրանց իրականացման, պաշտպանության եւ սահմանափակման դեպքերին եւ կարգի հետ կապված հարաբերություններին:

Հարց և դիտարկում ուներ ՀԱԿ խմբակցության պատգամավոր Լյուդմիլա Սարգսյանը: Նա նշեց, որ պարբերաբար հետաքրքրվում է հոգեբուժարանների ու հոգեկան հիվանդների բուժման հետ կապված խնդիրներով: Պատգամավորի կարծիքով` թեև օրենքներ են ընդունվում, սակայն դրանք գործնականում չեն կիրառվում, արդյունքում` հոգեբուժության ուղղությունը մնում է թերի, հոգեբուժարաններում գտնվող հիվանդները խոցելի են, նրանց իրավունքները պաշտպանված չեն:

«Օրենքում պետք է անպայման ամրագրվի, թե որ դեպքում հոգեկան հիվանդը կարող է դիտարկվել որպես առողջ և ուղարկվել ընտանիք, որովհետև ես դեպքեր գիտեմ, որ ծանր հոգեկան հիվանդին, ով վտանգ է իրենից ներկայացրել, ուղարկել էին տուն: Բացի այդ` հոգեբուժարաններում շատ մեծ կոռուպցիա կա, բազմաթիվ դեպքեր կան, որ հոգեկան հիվանդ ունեցող ընտանիքի անդամները նյութական կորուստներ են ունենում, որովհետև փորձում են հոգեբուժարանում պահել իրենց հիվանդին, մինչդեռ` այդ հարցը պետք է հոգա պետությունը»,- ասաց Լյուդմիլա Սարգսյանը:

Առողջապահության փոխնախարար Սերգեյ Խաչատրյանը պարզաբանեց, որ հոգեբուժարանում գտնվելու ողջ ընթացքում պետությունը հոգ է տանում հիվանդի մասին: «Ժամանակակից հոգեբուժությունը միտում ունի հոգեկան հիվանդություն ունեցող հիվանդին տանը բուժելու, այլ ոչ` հիվանդանոցային պայմաններում, որովհետև շատ հաճախ հիվանդանոցն ավելի ծանր հոգեբանական ազդեցություն կարող է ունենալ հիվանդի վրա: Եվ միայն այն դեպքում, երբ տանը, համայնքի ներսում հիվանդին բուժելու հնարավորություն չկա, բուժումն իրականացվում է հիվանդանոցում»,- ասաց փոխնախարարը:

Նա հավելեց, որ այսօր հոգեկան հիվանդություն ունեցող միայն 1200 հիվանդ է ստացիոնար բուժում ստանում հիվանդանոցում, մնացածի բուժումն իրականացվում է տանը:

Նոր օրենքի նախագիծն ընդգրկվեց ԱԺ նիստերի օրակարգում: