Երիտասարդ աղջիկը մտել էր հրապարակի շատրվանների մեջ

Այսօր Հանրապետություն հրապարակում արտառոց դեպք է տեղի ունեցել: Մի երիտասարդ աղջիկ տեղացող անձրևի ժամանակ մտել էր շատրվանների մեջ ու պահանջում էր իրեն չմոտենալ: Տարածքում գտնվող ոստիկաններին, այնուամենայնիվ, հաջողվեց աղջկան համոզել ու դուրս բերել շատրվաններից: Ոստիկանները նրան ուղեկցեցին Հայաստանի պատմության թանգարանի հարակից փակ տարածքը:

Երիտասարդ աղջիկը մեզ հետ զրույցում չցանկացավ մեկնաբանել իր արարքը և պատճառների մասին որևէ բան չասաց: Նշենք նաև, որ ոստիկաններն աղջկան առաջարկեցին վատ ինքնազգացողության դեպքում մոտենալ շտապօգնություն մեքենային, սակայն աղջիկը հրաժարվեց և մի խումբ այլ աղջիկների ու կանանց հետ հեռացավ տարածքից: