Էրդողանը Դավութօղլուի դեմ դավադրություն է կազմակերպում. The Times

 Բրիտանական հայտնի The Times պարբերականը Թուրքիայի նախագահ Ռեջեփ Թայիփ Էրդողանի ու վարչապետ Ահմեդ Դավութօղլուի` օրեցօր վատթարացող հարաբերությունների մասին ուշագրավ հոդված է հրապարակել` ուշադրության արժանացնելով երեկ տեղի ունեցած` նրանց հանդիպումը. տեղեկացնում է թուրքական Siyasihaber3-ը:

«Էրդողանը անսահմանափակ ուժ ունենալու նպատակով դավադրություն է կազմակերպում` վարչապետին պաշտոնանկ անելու համար»,- գրում է թերթի` Թուրքիայում սյունակագիր Հաննահ Սմիթը:

Երեկ կայացած հանդիպումից հետո որոշում է կայացվել, որ «Արդարություն և զարգացում» կուսակցությունը պետք է արտահերթ համագումար հրավիրի, սակայն վարչապետ Դավութօղլուի առաջադրում կուսակցության նախագահի պաշտոնում չի ակնկալվում:

«Էրդողանը եկել է փողոցից` բանվոր դասակարգից, և ծնված օրվանից քաղաքական անհատ է, ով ցանկանում է երկրի Սահմանադրությունը փոխել` անցնելով խորհրդարանականից նախագահական համակարգի»,- գրել է թերթը` նշելով, որ Դավութօղլուն Էրդողանի հակապատկերն է:

«Իսկ Դավութօղլուն նրա հակապատկերն է` Էրդողանի կողմից այդ պաշտոնին բերված, գիտակից ակադեմիկոս: Նա հայտնի է իր` լրագրողներին ձերբակալելու դեմ դիրքորոշմամբ: Եվ ամենակարևորը` նա դեմ է Էրդողանի` որպես «կարմիր գիծ» հայտարարված սահմանադրական փոոխություններին»,-գրել է հեղինակը: