Համբարձման տոնին նախորդող ծաղկաքաղը՝ Կապուտանում

Վաղը Հայ առաքելական եկեղեցին նշում է Հիսուս Քրիստոսի երկինք համբարձման հիշատակության տոնը: Քրիստոսի Համբարձման տոնը հայ ժողովրդի սիրած տոներից է և ուղեկցվում է տարերեսակ հանդիսություններով: Կոտայքի մարզի Կապուտան գյուղում Համբարձման տոնը համընկնում է գյուղի ուխտի հետ: Ավանդույթի համաձայն գյուղացիները Համբարձման տոնի նախորդող օրը գնում են ծաղկահավաքի, հետո ծաղիկները միմյանց նվիրում: Տոնի խորհրդանիշ համարվող գնարբուկով գյուղացիները լողանում են, կապում խնոցուն: Կապուևտանցիները հավատում են, որ ծաղկի ուժն օգնում է ազատվել զանազան հիվանդություններից և հաջողություն բերել: Համբարձման օրը կապուտանցիները բարձրանում են գյուղի բլրի վրա կառուցված Սուրբ Մինաս եկեղեցին: