Պոլիտեխնիկը 8 մլն դրամ կփոխանցի Արցախին

Երեկ ՀԱՊՀ Գիտական խորհրդի նիստերի դահլիճում տեղի ունեցավ ռեկտորատի ընդլայնված նիստ, որին, ռեկտորատի անդամներից բացի, հրավիրված էին ամբիոնի վարիչներ, սեկտորի ղեկավարներ, կենտրոնի տնօրեններ և աշխատակիցներ: Ռեկտոր, պրոֆեսոր Ոստանիկ Մարուխյանի առաջարկով` նիստն սկսվեց մեկ րոպե լռությամբ՝ հարգեցին Արցախի սահմանին Ադրբեջանի կատարած ահաբեկչության հետևանքով զոհվածների հիշատակը: 

Նիստին քննարկման էր դրված Արցախի Պաշտպանության բանակին աջակցելու օգնություն կազմակերպելու հարցը: 

Լսելով Մարուխյանի աջակցության կոչը՝ կապված արցախյան իրադարձությունների հետ, ռեկտորատը որոշեց.

1. Լեռնային Ղարաբաղի Հանրապետության ֆինանսների նախարարության տրամադրած՝ «Արցախբանկի» 22300612211100 հաշվեհամարին փոխանցել 8 000 000 ՀՀ դրամ. համապատասխանաբար (ԼՂՀ կառավարությունը վարչապետ Արթուր Աղաբեկյանի գլխավորությամբ  թիկունքային և ինժեներական աշխատանքները Պաշտպանության բանակի հետ համադրելու համար ստեղծել է օպերատիվ շտաբ, և օգնությունները փոխանցվում են ԼՂՀ ֆինանսների նախարարության «Արցախբանկում» բացած հաշվեհամարին)`

•          Երևանի կրթահամալիրից  5 000 000  ՀՀ դրամ,

•          Վանաձորի, Գյումրու, Կապանի մասնաճյուղերից՝ 1 000 000-ական  ՀՀ դրամ:

Արցախին աջակցելու և օգնելու համար ՀԱՊՀ Կոնվերսբանկի 19300045349102000 հաշվեհամարը վերանվանվեց «Արցախ» անունով, որին այսօրվանից կարող են դրամական փոխանցումներ կատարել ոչ միայն ՀԱՊՀ երևանյան կրթահամալիրի այլև մասնաճյուղերի աշխատակիցները։

Համալսարանի Կոնվերսբանկի 1930004534910200 հաշվեհամարը վերանվանել «Արցախ»  և հավաքագրել համլասարանի, այդ թվում մասնաճյուղերի աշխատակիցների տրամադրած օգնությունները, պարբերաբար դրանք փոխանցելով  ԼՂՀ ֆինանսների նախարարության հաշվեհամարին:

2. Ստեղծել  Արցախի օգնության և աջակցման շտաբ, որում կընդգրկվեն Պոլիտեխնիկի 14  աշխատակիցներ: Շտաբը պետք է համակարգի և կոորդինացնի աջակցության և օգնության հետ կապված հարցերը և կազմակերպի Հայաստանի ազգային պոլիտեխնիկական համալսարանի ազատամարտիկ-աշխատակիցների, պարտադիր զինվորական ծառայություն անցած աշխատակիցների կամավոր զինվորագրումը: