Գյումրիում մեքենան բախվել է աշուղներ Ջիվանուն և Շերամին նվիրված արձանախմբին` տապալելով այն

Գյումրիում մարտի 13-ի գիշերը տեղի ունեցած ավտովթարի հետեւանքով տապալվել է Կենտրոնական զբոսայգու դիմաց գտնվող աշուղներ Ջիվանուն և Շերամին նվիրված արձանախումբը: Ինչպես հայտնում է «Արմենպրես»-ը, գյումրեցի քանդակագործ Արտուշ Պապոյանի աշխատանքը լուրջ վնասներ է կրել ու դեֆորմացվել, վնասվել են հիմնականում արձանների ձեռքերի ու ոտքերի հատվածները:

Ոստիկանությունից հայտնել են, որ դեպքը տեղի է ունեցել մարտի 13-ի գիշերը` ժամը 03:04-- սահմաններում: «Օպել» մակնիշի մեքենան բախվել է քանդակին և վնասել այն:  Արձանի կրած վնասի չափի մասին կհստակեցվի ավելի լուրջ ուսումնասիրությունից հետո:


Լուսանկարը` Մանվել Կարապետյանի ֆեյսբուքյան էջից