ԲՀԿ-ն փորձում է հավաքել առաջին «պտույտի» ժամանակ «քամուց քշվածներին». «Հրապարակ»

«Հրապարակը» գրում է. «Քանդման երկրորդ «պտույտի» գնացող ԲՀԿ-ն փորձում է հավաքել առաջին «պտույտի» ժամանակ «քամուց քշվածներին»։ Ժամանակին ԲՀԿ-ից իր հեռանալու մասին հայտարարած, այժմ «դարձ ի շրջանս յուր» գործած Վարդան Բոստանջյանին կհաջորդի Արամ Սաֆարյանի «մուտքը», եթե վերջինս համաձայնի, որովհետև նախկին ԲՀԿ-ականին շատ «փիս» նեղացրել են ծառուկյանական օրերին։ Սակայն ամենաէկզոտիկը Վարդան Օսկանյանի վերադարձի մասին խոսակցություններն են։ Ինչպես տեղեկացրեց մեր ԲՀԿ-ական զրուցակիցը, այդ մտայնությունը կուսակցության ղեկավար Նաիրա Զոհրաբյանի մոտ միշտ է եղել՝ հաշվի առնելով Օսկանյանի կապերը։ «Սակայն շատերիս համար դա նոնսենս էր, որովհետև նախ Օսկանյանն ինքը նպաստեց, որ ԲՀԿ-ն քանդվի, ապա՝ նա միայն դրսի համար է Օսկանյան։ Երբ Ծառուկյանի պնդմամբ գլխավորեց Երևանի քաղաքապետի համամասնական ցուցակը, մենք տեսանք, թե Օսկանյանը որքան պատրաստ չէ նման պայքարի, և եթե նա չլիներ, ԲՀԿ-ն շատ ավելի մեծ ձայներ կհավաքեր այդ ընտրություններում»»,–գրում է թերթը։ 

Մանրամասները՝ թերթի այսօրվա համարում։