Տիգրան Առաքելյանին թույլ են տվել հանդիպել միայն փաստաբանի հետ

Epress.am-ը գրում է, որ «Հայ ազգային կոնգրես» կուսակցության անդամ Տիգրան Առաքելյանը շարունակում է մնալ ԱԱԾ մեկուսարանում։ Նա ձերբակալվելուց հետո հանդիպել է միայն փաստաբանի հետ, քանի որ հարազատների հետ տեսակցությունն արգելված է։ Այս մասին այսօր Epress.am-ի հետ զրույցում ասել է Առաքելյանի եղբայրը՝ Հունան Առաքելյանը։

Նրա խոսքով՝ հարուցված քրեական գործի մասին Առաքելյանի հարազատները որևէ տեղեկություն առայժմ չունեն։

Հիշեցնենք, որ, պաշտոնական վարկածի համաձայն, Տիգրան Առաքելյանը մեղադրվում է շորթման մեջ, նրան ձերբակալել են ՀՀԿ-ական երկու պատգամավորների վերաբերյալ ինտիմ բնույթի տեսանյութեր տնօրինելու և հրապարակել սպառնալու համար: