ԲՀԿ-ն չի շտապում սահմանադրական փոփոխությունների վերաբերյալ կարծիք հայտնել

«Բարգավաճ Հայաստան» կուսակցությունը դեռևս չի ներկայացրել իր պաշտոնական տեսակետը սահմանադրական փոփոխությունների նախագծի վերաբերյալ, քանի որ ԱԺ ԲՀԿ խմբակցության պատգամավորներն ու ԲՀԿ քաղխորհրդի անդամների մեծ մասն այս պահին Հայաստանում չեն: Այս մասին Yerkir.am-ի հետ զրույցում ասաց ԲՀԿ նախագահ Նաիրա Զոհրաբյանը:

Նրա խոսքով` քանի դեռ սահմանադրական փոփոխությունների` հրապարակված նախագծի վերաբերյալ հարցը չի քննարկվել ԲՀԿ խմբակցությունում ու քաղխորհրդում, ԲՀԿ նախագահն իրեն չի կարող իրավունք և լիազորություն վերապահել տեսակետ արտահայտելու:

Միաժամանակ, Նաիրա Զոհրաբյանը նշեց, որ ինքը կարող է արտահայտել իր անձնական տեսակետը և դիրքորոշումը: «Իմ անձնական տեսակետն այւն է, որ այդ նախագիծը հեռու է ժողովրդավար լինելուց և լրջագույն վտանգներ է պարունակում: Այդ վտանգներից են կայուն մեծամասնության` պատմության մեջ գոյություն չունեցող երկրորդ փուլի անցկացումն ու պատգամավորների լողացող կուրսը: Եվ պետք չէ հղում անել Սան Մարինոյի Սահմանադրությանը»,- ասաց նա` ևս մեկ անգամ հիշեցնելով, որ ներկայացրել է բացառապես իր անձնական տեսակետը: