Բավական է, Զեպ, հեռացիր. Միշել Պլատինին՝ Զեպ Բլատերին

ՈՒԵՖԱ-ի նախագահ Միշել Պլատինին հայտարարել է, որ ՖԻՖԱ-ի նախագահ Զեպ Բլատերը պետք է  հեռանա:

«Ես նրան խնդրեցի հեռանալ՝  բավական է, Զեպ, հեռացի՛ր:  Նա լսեց ինձ, բայց ասաց, որ արդեն ուշ է»,- պատմել է Պլատինին լրագրողների հետ հանդիպման ժամանակ:

«Ես սա ասում եմ՝ արցունքն աչքերիս: Այս ամենը ինձ դուր չի գալիս: Բայց սկանդալները շատ են»,- ասել է ՈՒԵՖԱ-ի նախագահը:

Նա նաեւ հայտարարել է, որ ՈՒԵՖԱ-ի շատ անդամներ ՖԻՖԱ-ի նախագահի ընտրություններում, որ նախանշված են մայիսի 29-ին, կքվեարկեն Բլատտերի գլխավոր մրցակցի՝   Հորդանանի արքայազն Ալի բին ալ Հուսեյնի օգտին:

Ինքը՝  Բլատտերը հայտարարել է, որ մտադիր չէ հանձնվել եւ մասնակցելու է ընտրություններին, որոնցում  ինքը բացարձակ առաջատար է շարունակում մնալ:

ՖԻՖԱ-ինախագահի ընտրությունները տեղի կունենան  կոռուպցիոն սկանդալի ֆոնին: Շվեյցարիայի իրավապահ մարմիրնները մայիսի 26-ին   կաշառք վերցնելու մեղադրանքով ձերբակալել են ՖԻՖԱ-ի 7 պաշտոնյայի:

Նույն գործով անցնում է 14 պաշտոնյա: